КОМИ ЁРТ ЧУКӦРЛЫ

Сиа коми гижысь чукӧртчылӧмлы

	Кыпыда чукӧртчӧй,
	Топыда топӧдчӧй,
	Сьӧлӧма ёртъяс.
	Выль юӧр ваянныд
	Комилы — сы понда
	Ошкана мортъяс.
	
	Пӧрласьӧм пу вомӧн,
	Мыр вывті, нюр кузя —
	Мунан туй веськыд.
	Гӧль йӧзлань банаӧсь!
	Вынйӧрныд ыджыдджык
	Вӧлі кӧ эськӧ!..
	
	Мед кӧть и ӧнӧдз на
	Рочмӧдӧм сьӧкыда
	Выланыд водӧ, —
	Коми ёрт чукӧрлӧн
	Вынйӧрыс котырмӧ,
	Лунысь-лун содӧ.
	
	Сьӧлӧмсянь косясьӧй
	Рочмӧдан йӧйлункӧд,
	Коми ёрт чукӧр!
	Сьӧд, пемыд йӧзнымлы
	Тіян пыр матысмас
	Выль кыа югӧр.