СО МЕ БАРА...

Со ме бара муна татысь.
Видза колян, Сыктывкар.
Сьӧлӧмӧй тэ дінын матын,
Тэкӧд ӧттшӧтш ломзьӧ жар.

Кӧдзыд коркӧ вӧлін, карӧй,
Эн вӧв мекӧд вывті варов.
Коли бӧрӧ сійӧ кад.
Ӧні меным лоин рад.

Кымӧртӧм лӧз енэж шӧрын
Ломзьӧ югыд шонді сэн.
Тэ ӧд муслун биӧн дзӧран —
Пыран сьӧлӧм шӧрам мен.

Быд керкаын тэнад синмыд,
Быд уличын тэнад пар,
Сьӧлӧмкылӧмнад тэ инман,
Муслуныдлысь пестан жар.

Окышта ме Сыктывкарсӧ,
Окышта ме тэнӧ, другӧй —
Тэ ӧд сетан мичсӧ ставсӧ...
Сьӧлӧм вылын лоӧ югыд.