* * *

Зонмӧй, том морт, мыйла шогсян?
Абу тэныд бӧрдны кад!
Мыйкӧ кабалаӧн ноксян;
Петав — ӧшинь улад сад!

Коді эбӧс тэнсьыд нуис?
Кытчӧ воштін долыдлун?
Тӧрыт доктор «бурдан» шуис,
Ӧні му вылысь кӧть мун!

Висьӧ сьӧлӧм тэнад ёна,
Сылан-вошан быттьӧ вый...
Му вылын тай быдтор пона:^пома/^
Кулан, быран... ог тӧд мый...

Пинжак кежысь тӧв шӧр тӧлын
Котралін тэ пыр.
Пинжак кындзи-д мыйкӧ вӧлі?
— Олін пиньтӧ гурчкигтыр!

Кык лун мысти лун шӧр бӧрын
Висьысь мортлӧн петіс лов.
Биалӧма, увгӧ, сӧрӧ:
«Кула... некодысь ог пов!»

Крестъяс пӧвстті потшӧс вомӧн
Югыд тыдалӧ выль гу...
Гуыс дорын шойна помас
Быдмӧ ыджыд пожӧм пу.