ЮГӦР

Асыввыв гӧрд рӧма, пӧртмасьӧ кыа,
Узян ун пальӧдӧ, ловзьӧдӧ му.
Шонділӧн югӧрыс енэжын гыа...
Качӧдӧ вывланьӧ вой шӧръя ру.
Кыпыда мӧвкйӧдлӧ зарниа сынӧд.
Пӧльтыштӧ лунвывсянь небыдик тӧв...
Шондіӧй, ӧткодя пармасӧ югӧд,
Шогсьӧмъяс некодлӧн медым эз вӧв.
Улиса усьӧма видз вылӧ лысва; 
Небось тон тіянлы петавлас гож.
Зарниӧн гыалӧ, нюмъялӧ Эжва,
Енэжыс дзирдалӧ ва вывсянь лӧз.
Вӧр йывті шондіыс ньӧжйӧник петӧ,
Садьмӧны узьысьяс, ловзьӧма му.
Пармаӧ югӧрсӧ ӧткодя сетӧ,
Качӧдӧ вывланьӧ вой шӧръя ру.