ЗБЫЛЬ КЫВБЕРТЪЯСШкольн. частушки; «Унаысь ме сьывлывлі» ногӧнВажӧн вӧлі школаыд велӧдчысьтӧ «школитӧ»: Лёк кӧйдыссӧ разӧдӧ — ныр-вомъястӧ «резьӧдӧ», пель дінъястӧ «шонтӧ»... Школаыс кӧ земскӧй — ыджыдыс сэн «змейскӧй». Мукӧдлаас прикодскӧй, — тӧдӧмысь нин поповскӧй — енлы сӧмын клёнгы... Мыж кӧ суас школьникӧс: «вставай на колени» пӧ... Сылӧн сапӧг гӧльӧньӧд восьса пидзӧс гӧгыльыс — дзимбырасьӧ-дзуртӧ... Кыдз нин бурӧн казьтыштан, ӧтмӧдӧс кӧ нимтывлан: школьникӧс — «бездельникӧн», учительтӧ — «уши-пель», — оз учит — мучитӧ... ....................................... Майбыр ӧні — абу важ, гӧгӧр миян рӧд да вуж: Обоноыд — обиньӧ.* Уоноыс — уніньӧ,* наставнича — ичинь. Крестьянаӧс сідзи жӧ — сӧмын стражник «стрӧжитӧ»... Ӧні налӧн — агроном, быттьӧ мелі Ӧгрӧ монь, — сёртни йылысь сёрни. ....................................... — «Шондіанӧй, айӧй! — Менам оз луд яйӧй. Эн мем вӧзйы: «пиӧ-ньӧр!», Медым кӧть и пионер: — сідзи олӧм мунӧ». Кывзӧй, пӧрысь бать-мамӧй, эн ті видӧй ныв-питӧ: Комсомолец — молодеч, ныв кӧ — комсомолка, абу богомолка! .............................. Сё майбырӧй, олӧмӧй! — Сэ Сэ Сэ Р-ын вылӧмӧй! Гӧрд Октябрлӧн ныв-пиӧй, — Мича-мича вӧр-пуӧй — гажа Сӧвет садйын!
