КОСЬ ДЫРЙИ

Зэв пемыдӧсь вӧліны войяс,
Зэв гора кылӧ снарад шы.
Со вылын-вылын еропланъяс
Лэбзьӧны быттьӧ талань пыр.
Дзик зэр моз, пуля гӧгӧр локтӧ,
Оз жалит сійӧ мортлысь лов.
Со эстӧн сиктыс гажа сотчӧ, — 
Дерт, кодкӧ ӧзтіс, оз тай пов.
Со войсянь кымӧр бара локтіс,
Зэв ёна зэрны кутіс сэк.
Сэк сиктысь биыс лӧньны кутіс...
Сӧмын снарад шы оз чӧв.
Сӧмын югдандорыс гӧгӧр
Ланьтіс дзикӧдз лыйсьӧм шы.
Со тай муыс ставыс лои,
Быттьӧ ваяс вылын гы.
Кодкӧ тонӧ коньӧр каргӧ,
Пуля помысь доймӧм морт.
Сӧмын ог тӧд кытысь ачыс...
Оз нин кӧнкӧ аддзыв горт.
Со дзик пуяс пӧвстті мыччис
Шонді чужӧмсӧ — дзик гӧрд.
Со сэн доймӧм мортлӧн вирыс,
Шонді водзын би кодь гӧрд.
Дыр сэн коньӧр ёна лӧвтіс,
Сӧмын жалитысь эз вӧв.
Сылысь ловсӧ пуля босьтіс,
Быттьӧ ловъя эз и вӧв.