* * *

Ойдӧма. Ю шӧрӧд
кывтӧ юсь...
Оз, оз, оз кывт, а шлывгӧ,
вылын юра.
Тувсов кольмӧмысла неуныштӧм дурӧ —
вылын юра, повтӧм, еджыд юсь...
То гонь-гонь бодер юрнас вӧчлас
Ыджыд ваын кӧлуй мыськысь пӧчлы,
То шлоп-шлоп борднас валань керас-карас...
А ыззьӧм челядь берег дорын бара:
— Ті аддзылінныд?
— Аддзылінныд?!
— Со!
— Тэ тӧдан, мыйта юсьыс олӧ во?
— Татшӧм мичыд вывті дыр оз ов, —
друг шуис синтӧм пӧль...
И регыд кӧнкӧ
сикт помас нин
кыліс:
«Шков!..»