* * *

Нэмӧс коля Панькӧсиктса мортӧн —
Вӧлі коркӧ кык сикт костын татшӧм грезд —
Нэмӧс корся ассьым мувыв гортӧс,
Оз тай сетлы енмыс таысь мезд.

Сиктысь муні. Карӧдзыс эг волы.
Эм тай, вӧлӧм, на костын на ин.
Мӧвпъясӧн ме енэж вылын ола, —
Мувыв озырлунлань синӧ азым син.

Ӧтнам дыркодь олі. Йӧзас вӧлі, —
Некӧн шудсӧ олӧмыс эз ликт....
Енма-муа костас ӧшйӧм лолӧй
Оланінӧй менам — Панькӧсикт.

...Ӧні нин и Панькӧсиктыс абу,
Бӧръя керкашойсьыс пилитӧма пес...