* * *

Кыдзи овсьӧ тэд, менам Мозынӧй,
яла ягад да лыска козінад?
Коді волывлӧ сӧстӧм поз дорад?
Кодӧс лелькуйтан шоныд моздорад?

Тэнад берегӧд сюмӧд дозъясӧн
сідз жӧ ветлӧны нывъяс озлаыд?
Сідз жӧ кыйсьӧны посни войтырыс
Йирдін кыркӧтшын усьӧм коз дорад?

Чӧскыд чери да юмов оз йылысь
ӧні казьтыла быттьӧ мойдысь ме.
Босьт вай, Мозынӧй, менӧ ас дорад.
Лӧньӧд сьӧлӧмӧс гыа моздорад...