ЧЕЛЯДЬЛЫ

Ӧтвылысь, челядьяс, петӧй да мунӧ,
Отсавны колӧ вок-батьлы.
Ленинлысь туйсӧ водзӧ пыр нуӧй,
Индӧмсӧ сылысь эн воштӧй.

Сюся зэв видзӧд водзысьыд туйсӧ,
Повзьывтӧг зіля пыр восьлав.
Бать-вокыд кулӧ — налысь тэ туйсӧ
Водзӧ пыр йӧзыслы индав.

Ӧтувтчӧ, челядьяс, лӧсьыдджык лоӧ
Выль ӧлӧм ӧтувйӧн дорны.
Тыдалӧ-тыдалӧ, — бур олӧм лоӧ,
Уджавны челядьлы, овны.

Вӧтчӧй, эн кольччӧй, уджалысь челядь,
Мунамӧй ӧтвылысь ставным.
Уджалас миян юр, ёртъяс,
Выль олӧм зіля тшӧтш дорам!