* * *

Мӧскуаын ныв нималӧ,
Аннушкаӧн шуӧны.
Дас квайт арӧсӧ воис,
Гулянка вылӧ петіс.
Другсӧ корис гӧститны.
Чай-сакарӧн юкталіс,
Преник-кӧлачӧн вердіс,
Другсӧ салдатӧ ыстіс.
Мамыс-батьыс дінӧ муніс:
«Матушкаӧй, матушкаӧй,
Лэдзлы менӧ гуляйтны».
— «Ветлы, ветлы, дитяткаӧй,
Ме тэ каднас ветлӧдлі».
Сӧкӧл тица моз лэбзис,
Ӧмидз пос вылӧ воис.
Ӧмидз пос вылын гуляйтіс,
Веж садӧкъяс видлаліс,
Ӧмидз кустъяс кусталіс,
Другыс дорӧ и муніс.
Другыс паныд и петі,
Лӧз мундерыс вылысас,
Сьӧд шляпаыс бок вылас,
Алӧй лента юр вылас,
Прӧзументыс сой вылас,
Табак калляныс вомас.
Кос шӧрӧдыс кватитіс,
Комлатаас катӧдіс,
Чорыда жӧ окаліс...