ШОНДІБАНӦЙ

Шондібанӧй олӧмӧй,
Том олӧмӧй, том гажӧй,
Том олӧмӧй, том гажӧй,
Том пӧра колялӧмӧй.
Том пӧра колялӧмӧй,
Кытчӧ сійӧ кольӧма.
Кытчӧ сійӧ кольӧма,
Шор пос вылӧ кольӧма.
Шор пос вылӧ кольӧма да,
Кодъяслӧн жӧ кольӧма.
Кодъяслӧн жӧ кольӧма да,
Том нывъяслӧн кольӧма.
Том нывъяслӧн кольӧма да,
Ещӧ нӧ кӧ кодъяслӧн.
Ещӧ нӧ кӧ кодъяслӧн да,
Том зонъяслӧн кольӧма,
Том зонъяслӧн кольӧма да,
Джуджыд ӧд кыркӧтшыс дай.
Джуджыд ӧд кыркӧтшыс дай,
Визув пӧ ӧд ваыс дай.
Визув пӧ ӧд ваыс дай,
Ва визувнас кывтӧма.
Ва визувнас кывтӧма,
Коді сійӧ кывтӧма.
Коді сійӧ кывтӧма да,
Менам другӧй кывтӧма.
Менам другӧй кывтӧма да,
Кытчӧ сійӧ кывтӧма.
Кытчӧ сійӧ кывтӧма да,
Кардорас жӧ кывтӧма.
Кардорас жӧ кывтӧма да,
Пурйӧн сійӧ кывтӧма.
Пурйӧн сійӧ кывтӧма да,
Вой море кӧ кузяыс.
Вой море кӧ кузяыс да,
Мыйла сійӧ кывтӧма.
Мыйла сійӧ кывтӧма да,
Часіла, машинала.
Часіла, машинала да,
Брукила, колошила.
Брукила, колошила да,
Кык рад кизя ворсанла.
Кык рад кизя ворсанла да,
Гӧсничсӧ нӧ мый вайӧ.
Гӧсничсӧ нӧ мый вайӧ да,
Шӧлкӧвӧй кӧ чышъянсӧ.
Шӧлкӧвӧй чышъян вайӧ да,
Ещӧ нӧ кӧ мый вайӧ.
Ещӧ нӧ кӧ мый вайӧ да,
Кык морта камперт вайӧ.
Кык морта камперт вайӧ да,
Кодкӧд жӧ ми сёвамӧй.
Кодкӧд жӧ ми сёвамӧй да,
Мусукӧйкӧд сёвамӧй.
Мусукӧйкӧд сёвамӧй да,
Кор жӧ-сь мийӧ аддзысьлам.
Кор жӧ-сь мийӧ аддзысьлам да,
Сэки мийӧ кутчысьлам.
Сэки мийӧ кутчысьлам да,
Куим крестӧн окасям.
Куим крестӧн окасям да,
Выльгорт вӧлӧк — кузь вӧлӧк.
Выльгорт вӧлӧк — кузь вӧлӧк да,
Ставыс сэтчӧ сёйсьӧма.
Ставыс сэтчӧ сёйсьӧма да,
Ставыс сэтчӧ юсьӧма.