БӦРӦ КОЛЬӦМ ПОТРЕБОБЩЕСТВОЯС
Лопыдінса потребобщество.
Ичӧт вына. Тӧвар дон вылӧ содтӧдъясыс (
Троицкса потребобщество.
Рӧскодъясыс гырысьӧсь, вузасьӧмысь воӧма убытка вылӧ (89 шайт). Абу тырӧдз чукӧртӧма пайяссӧ дай ӧні омӧля чукӧртӧ. Уна сеталӧма тӧвар уджӧн (1688 шайт дон). Лёка щӧтсӧ нуӧдӧ.
Сюзяыбса потребобщество.
Ичӧт вына, ыджыд рӧскодъяс, уна сетӧма тӧвар уджӧн (5761 шайт дон). Вузасьысьыс лотайтӧма тӧварсӧ 137 шайт дон.
Аныбса потребобщество.
Уна сеталӧма тӧвар уджӧн (1284 шайт дон). Омӧля чукӧртӧма пайяссӧ шленъясыслысь (чукӧртӧм паевӧй капиталыс ӧти морт вылӧ воӧ 2 шайт 15 ур), уна дон тӧварсӧ лотайтӧмаӧсь (849 шайт дон), вузасьӧмӧн воӧма убыткаӧ — 66 шайт. Лёка сувтӧдӧма щӧт нуӧдан уджсӧ.
Ручса потребобщество.
Вывті уна сеталӧма тӧварсӧ уджӧн (6267 шайт дон). Этша шленсӧ чукӧртӧма (46% став керка лыдсьыс). Зэв на этша воӧ чукӧртӧм паевӧй капиталыс ӧти шлен вылӧ (сӧмын 2 шайт 7 ур. Пайыс эськӧ 5 шайта да). Лотайтӧмаӧсь эмбурсӧ 456 шайт дон.
Изьвайывса потребобщество.
Мукӧд потребобществояс серти ещӧ нин уна тӧварсӧ уджӧн разӧдӧма (25810 шайт дон). Сы вӧсна зэв сьӧкыд сылы ньӧбасьӧм, да уджйӧз мынталӧм уджсӧ нуӧдны.
Висдінса потребобщество.
Гырысь содтӧдъяс (15,5%) тӧвар юрдоныс вылӧ, этша чукӧртӧма паевӧй капиталсӧ (3 шайтӧн шленысь, а колӧ 5 шайтӧн).
Оквадса потребобщество.
Тӧвар дон вылас гырысь содтӧмыс (16,5%). Абу тырӧдз чукӧртӧма пайяссӧ шленъясыслысь (чукӧртӧмыс шлен юр вылӧ воӧ 2 шайт да 42 ур — 5 шайтысь), да уджсӧ заводитіс тӧвар лотайтӧмӧн (первойя учёт дырйиыс и эз судзсьы прикащикыс 101 шайт дон).
Чернутьеса потребобщество.
Гырысь тӧвар дон содтӧдъясыс — 18,5% тӧвар юрдоныс вылӧ, ыджыд вузасян рӧскодъясыс (15,6% бергӧдчӧм сертиыс), ёна уна уджӧн тӧвар сеталӧмаӧсь — 3023 шайт дон. Оз бура нуӧдны щӧтсӧ.
Пустӧшса потребобщество.
Вывті этша йӧзсӧ шленас чукӧртӧма (38,8% став керка лыдсьыс). Гырысь содтӧдъясыс (13,7% тӧвар юрдоныс вылӧ).
Би.
