ЭЗ ЛО СІДЗИМикулай поп Дыр виччысис: «Мый и оз лок, Али дугдіс? Висьталӧны, (Оз кӧ сӧрны!) Коралӧны, — Кӧсйӧ мунны. Гӧтрасьысьыс... Ок, озыр ӧд! Вит душ мӧскыс!.. Вӧлӧсьт кутӧд!.. Прокор Гриша Поп-дяк корас. Важ ногӧн на Пиртӧ вӧчас. Мый и кӧсйӧ, — Оз веньчайтчы. Матуш, ӧдйӧ Вай нӧ чеччы! Тшӧтки вайлы, Ещӧ тэчла! Вермас вунны... Кызь шайт корла». Кильчӧ помын Кодкӧ кылӧ. «Локтӧ... кымын?..» Тшӧтки-н лыддьӧ. Пырӧ дякӧн, Юр ӧшалӧ. «Ерӧмакань! Бесыс вайӧ». «Ок, ок, батько, Мый ми керам? Комсомолка Нылыс вӧлӧм. Вичко пыдди — Исполкомӧ... Поплы пыдди — Газет вылӧ».
