КРЕСТЬЯНАЛӦН УДЖЪЯСЫС ПЕВРАЛЬЫН

Тайӧ тӧлысьын вартӧмъяс колӧ нин помавны.

Миянладорын певраль тӧлысь кӧдзыд на овлӧ, сідзкӧ ёна на колӧ тӧждысьны, медым скӧтлы эськӧ шоныд вӧлі овны.

Гуясысь видлавны — оз-ӧ сісьмы картупель, выль пӧв колӧ бӧръявны сісьмӧмсӧ да омӧльсӧ.

Коді эз удит на весавны машинаӧн ассьыс кӧйдыссӧ, колӧ весавны да сортируйтны.

Мӧсъяс заводитӧны гӧнсӧ вежны, — колӧ найӧс весавны, нӧйтчан мӧсъясӧс тырсьӧдны бур ӧш дінӧ нулыны.

Куканясьӧм мӧсъясӧс колӧ бура дӧзьӧритны: медым налы вӧлі шоныд, югыд да сӧстӧм сынӧд да вольӧс, не юктавны веськыда юкмӧсса кӧдзыд ваӧн.

Тайӧ тӧлыссянь жӧ колӧ заводитны тӧждысьны град йӧр кӧйдыс йылысь, колӧ нин лӧсьӧдны ӧгурчи, капуста, галан да томат кӧйдысъяс.

Турун ваялӧм ылі видзьяс вылысь колӧ эштӧдны.

Дорччан, ремонтируйтчан уджъяс колӧ помавны.

Выль стрӧйбаяс вылӧ колӧ ваявны кер, краж, кирпич, мукӧдтор.

Пес дон тайӧ тӧлысьӧ бур. Сідзкӧ колӧ инӧдны, эм кӧ лишнӧй запас вузӧс вылӧ.