ЫДЖЫД СТРӦЙБА СССР-ын

Таво ноябр тӧлысь помын Харьковын (Украинаса СС Республикаын столицаыс) заводитісны вӧчны зэв ыджыд керка. Керкаыс лоӧ 5 корпуса, сизимсянь да дас нёльӧдз судтаясӧн. Керкаыс босьтӧ местасӧ ас улас 63 сюрс квадрата метр (1 кв. метрыс — 2 кв. аршын гӧгӧр). Тайӧ керкаас сюясны став центрса кӧзяйственнӧй удж нуӧданінъяссӧ. Сы кындзи сэні лоӧны телеграп да телепон, кино, больнича, банк, песласянінъяс, рабочӧйяслӧн кооперативыс, мукӧдтор. Керкаыс лоӧ ыджыд уездувса кар кодь ыджданас, тӧрасны сэтчӧ овны 30.000 морт.

Став керкаас лэптігас да вӧчигас ковмас ӧти миллион пуд гӧгӧр цемент, вит миллион пуд из, 500 вагон кӧрт, 5 десятина стеклӧ.

«0».