ТРАКТОРЪЯС РАЗӦДӦМ ЙЫЛЫСЬ

РСФСР-са Видз-му Комиссариат 1926–27 воын кӧсйӧ разӧдны крестьяна овмӧсъясӧ 2.480 трактор: заграничаысь вайӧмъясӧс — 1.580 трактор, Сӧвет Союзын вӧчӧмъясӧс — 900. Та мында тракторыс сулалӧ нёль миллион шайт гӧгӧр.

Тайӧ тракторъясыс 1926–27 воын сӧмын на тырмӧны дасӧд юкӧныслы, мыйта колӧ эськӧ вӧлі сетны став тракторсӧ корсьысь крестьяналы. Тракторъясыскӧд ӧтпырйӧ таво ысталасны тшӧтш запаснӧй торъяс.

Крестьяна пӧвстысь тракторӧн вӧдитчыны кужны йӧзӧс велӧдӧм могысь таво вӧчласны 160 курсъяс. Быд курс вылын кутасны велӧдны 50 мортӧн.