ЁРТЛЫ

Вась Педӧрлы

	Мукӧддырйи вӧлі
	мыйлакӧ жугыльтчан,
	шогсьыны мӧдан
	и ме бурӧда тэнӧ...
	«Муса другӧй, эн жуглясь,
	дона ёртӧй, эн шогсьы!
	сьӧлӧмӧс жугыльтан,
	чорыда дойдалан».
	Регыд нин лэдзасны,
	гортаным муналам...
	ай-мамысь, чой-вокысь
	гаж быри миян.
	Янсалӧм радейтӧм
	падмӧдны эз вермы,
	чон некор дум вылысь
	эз вунлы гортным.
	А ӧні!..
	Дона ёрт сӧкӧлӧй,
	абу нин ловъя тэ.
	Висьӧмыд томӧн
	олӧмтӧ помаліс тэнсьыд.
	Коми йӧз котырлысь
	уджалігкостаным
	югыд том кодзулӧс
	нетшыштіс-мырддис.
	Но уджъястӧ тэнсьыд
	коми оз вунӧд...
	нэм чӧжыс бурӧн
	казьтывны кутас.
	Гижӧдыд оз вушйы — 
	ас пыдди-д олас!
	Тайӧ кывъяс, ме, ассянь
	сьӧлӧмысь гижа тэд.