* * *
Бабӧлы                

Лӧня пуксян тэ кильчӧ пос помад,
Мудзӧм киястӧ водзад лӧсьӧдан,
Дзормӧм юрсиыд — коркӧ коскӧдзыд —
Арся тӧлыслы мыйкӧ шӧпкӧдӧ.

Ставсӧ вӧчӧма, ставсӧ дасьтӧма —
Медбур платтьӧтӧ видзны он убӧлит,
Еджыд чышъянад эн и велавлы,
Ставсӧ дасьтӧма. Сӧмын энлы на.

Чӧвттӧм коли на бӧръя зорӧдыд,
Бӧръя вотӧсыд вӧрсьыд вайтӧм на,
Бӧръя кепысь гоз миян кытӧм на,
Бӧръя сьыланыд миян сьывтӧм на.