МЫЙ ДОН ВУЗАЛӦМАӦСЬ ТӦВАР КОМИ ОБЛАСЬТЫН

Стӧч артавны оз позь. Уна тӧргуйтысьяс, шуам, частнӧйяс, оборотсӧ оз висьтавны. Сэсся обласьт пасьтаыд сьӧкыд помӧдз чукӧртны лыдпассӧ.

Менам тӧргуйтӧм йылысь лыдпасъяс индӧма Изьва карувтӧг. Сӧмын куим уезд пасьта.

Колян 1925–26 воын тӧвар вузалӧм карын да вӧлӧсьтъясын лоӧма 8 миллион да 400 сюрс шайт дон кымын. Воддза во серти содӧма 1 миллион да 100 сюрс шайт кымын.

Сы пиысь потребительса кооперация вузалӧма 4.740 сюрс шайт дон (ветымын квайт юкӧн). Сэсся мукӧд пӧлӧс кооперативъяс (инвалиднӧй, удждысян, окотникъяслӧн, мукӧд) вузалӧмаӧсь 600 сюрс шайт дон кымын. Государство вузасьӧм (клебопродукт, госторг, обторг да мукӧд сӧмын ичӧта вузалӧмӧн — розницу) оборот вӧчӧма 1 миллион да 500 сюрс шайт кымын. Вӧр лэдзысь организацияяс да надеждинскӧй комбинат нянь да мукӧд тӧвар сетӧмаӧсь 1 миллион шайт дон гӧгӧр. Частнӧй купечьяс (быдсяма Чудиновскӧй да Дене Гришъяс, Емдінса Мишаринъяс) обороттӧ дерт петкӧдлӧны ичӧтӧс. Внуторг шуӧ 560 сюрс шайт дон пӧ таво частнӧйясыд вузасьӧмаӧсь.

Медъёна паськалӧма кооперация: миллионӧн-джынйӧн шайт оборотсӧ содтӧма колян во серти. Сэсся частнӧй купечьяс бара жӧ 200 сюрс шайт дон кымын унджык вузалӧмаӧсь колян во серти.

Локтан 1926–27 во кежлӧ лыддьӧны: тӧвар пӧ позяс вузавны тайӧ куим уездын 9 миллион да 700 сюрс шайт дон кымын. Содӧмыс 1 миллион да 300 сюрс шайт колян во серти. Потребительса кооперациялы локтан во кежлӧ арталӧмӧн позьӧ урчитны квайтымын юкӧд кымын во гӧгӧръя йӧз босьтасьӧмыс.