НЕКОР ОЗ ВУНДекабр 1-ӧд лунӧ 1919 воынГӧрд армия бӧр босьтіс Сыктывдінкар,коді вӧлі Латкин кипод улын дас квайт лун.Дас ӧкмысӧд вотӧ тӧдам, Коми войтыр, тӧдам: Вӧлі лёк ар, Зэв лёк ар; Кор Латкиныд власьттӧ босьтліс, Миянлысь кор босьтліс Сыктывдінкар, Коми кар; Сьӧд кырныш моз сэні оліс, — «Губернатор» оліс! — Дас да квайт лун, Дас квайт лун. Кыдз уджалысь йӧзӧс личкис, Быд ногыс пыр личкис, Некор оз вун, Оз ӧд вун! Кыдз йи улӧ ловйӧн пӧдтіс, Юкмӧсъясӧ пӧдтіс Уна морт лов, Уна лов. Кӧн коммунар — том ныв Домна, Каликова Домна?.. Латкин эз пов — Босьтіс лов... Быд водзмӧстчысь мортӧс лыйліс, Понъясӧс моз лыйліс, Кисьтіс пӧсь вир, Уна вир. Кор вермисны гӧрдъяс — пышйис, Англияӧ пышйис. Нювсис сэн дыр, Бура дыр. Сэн, тыдалӧ, дзескыд лои, — Гашкӧ и гажтӧм лои, — Локтӧма бӧр, «Гортас» бӧр... Дерт, думайтіс: пӧра коли, Сизим во нин коли, — Дубалі «кӧр», Сэкся «кӧр»... Вот, Латкиныд ӧні карын, Сыктывдінкарын, Виччысьӧ суд, Лоӧ суд! Кор арталас сылысь мыжсӧ, Лыдтӧм-тшӧттӧм мыжсӧ, — Висьталас суд Бӧръя «пуд».
