СИКТСА ПОТРЕБОБЩЕСТВОЯСЫН

Помӧсдінса потребобщество.

Ньӧбасьысьяслы таво уджӧн сеталӧмаӧсь тӧварсӧ 5.797 шайт да 18 ур дон; сы кындзи ещӧ на учрежденньӧяслы да мукӧдлы сеталӧмаӧсь уджӧн 2.246 шайт да 6 ур дон. Шлен лыдыс тані оз сод, а чинӧ — петӧмаӧсь кык морт пайщик. Паевӧй капитал таво содӧма сӧмын 11 шайт да 14 ур дон. Кӧлуйӧ падмӧдӧмаӧсь 5.127 шайт да 71 ур. Ёна ньӧбасьӧмаӧсь уджӧн — 12.438 шайт да 21 ур дон, сьӧм вылӧ ньӧбалӧмаӧсь тӧварсӧ сӧмын 15.494 шайт да 47 ур дон.

Койгортса потребобщество.

Во гӧгӧрӧн чукӧртӧма ньӧбасьысьяс вылысь воан уджйӧзсӧ 2848 шайт да 69 ур.

Шленӧ кооперативӧ пырӧмаӧсь выль йӧз 16 морт; паевӧй капитал содӧма 862 шайт да 16 ур дон. 205 шлен вылысь воӧ паевӧй уджйӧз 554 шайт, сійӧ чукӧрттӧм на.

Кӧлуй вылӧ (имущество вылӧ) войдӧр вель уна нин видзлӧмаӧсь сьӧм — 3.045 шайт да 93 ур; таво ещӧ на сэтчӧ содтӧма 2.736 шайт да 42 ур. Сьӧм падмӧмысь абу повзьӧма, — водзӧ кежлӧ ещӧ на мӧвпалӧ восьтыны кузнеча да дьӧгӧдь вӧчан завод. Сьӧмтӧ падмӧдӧма да сэсся и ньӧбасьӧ уджӧн.

Во гӧгӧрӧн уджӧн тӧвар ньӧбавлӧма 37.362 шайт да 28 ур дон, а сьӧм вылӧ сӧмын 49.637 шайт да 73 ур дон.

Уджӧн ньӧбасьӧмыд, дерт, ёна рӧскодъястӧ содтіс да тӧвар донтӧ лэптіс (кыпӧдіс).

Мукӧд пӧлӧс рӧскод вылӧ вель уна видзӧмаӧсь сьӧм: пошта-телеграф вылӧ да гербӧвӧй вот вылӧ видзӧмаӧсь 587 шайт да 16 ур.

Вель уна ньӧбасьӧмаӧсь частнӧй тӧргуйтысьлысь — 6238 шайт да 88 ур дон.

Кооперация велӧдан удж вылӧ петӧма 229 шайт да 28 ур, а нинӧм пӧшти абу вӧчӧмаӧсь сы могысь. Сійӧ сьӧмсӧ мӧдлаӧ видзӧмаӧсь: ӧти мортлы со отсӧг пыдди сетӧмаӧсь сэтысь 100 шайт.

Ӧнія барышысь шуӧмаӧсь сетны вӧлӧсьт кузьта моски вӧчӧм вылӧ 100 шайт.

Чуклӧмса потребобщество.

Таво шленӧ пырӧма 42 морт; паевӧй капитал содӧма 210 шайт.

Пай сӧмын 3 шайта, кад нин 5 шайта пай вылӧ петны.

Барышысь ньӧти абу торйӧдӧмаӧсь кооперация велӧдан удж нуӧдӧм вылӧ (культфонд), ещӧ абу торйӧдӧмаӧсь сьӧм гӧльяслы отсӧг вылӧ пыдди фондӧ.

Поёлса потребобщество.

Паевӧй капиталӧ содӧма 758 шайт да 66 ур, кольӧма чукӧртны пай сӧмын 97 шайт да 62 ур. Выль йӧз пырӧмаӧсь шленӧ 50 морт.

Прибыль вӧлӧма таво лёка ыджыд — 3.998 шайт да 52 ур, а кооперация велӧдан удж нуӧдӧм вылӧ торйӧдӧмаӧсь сьӧм сӧмын 40 шайт, — вывті этша.

Позтыса потребобщество.

Во гӧгӧрӧн весиг ӧти морт абу пырӧма шленӧ, а петӧмаӧсь 3 морт. Паевӧй капиталӧ содӧма сӧмын 12 шайт. Уна сеталӧмаӧсь тӧвар уджӧн — 1903 шайт да 36 ур дон.

Кониса потребобщество.

Во гӧгӧрӧн уджӧн сеталӧмаӧсь тӧвар ньӧбасьысьяслы 3.028 шайт да 51 ур дон.

Вель ыджыд вӧлӧма таво прибыль да сӧмын вывті этша торйӧдӧмаӧсь кооперация велӧдан удж нуӧдӧм вылӧ — 10 шайт, ньӧти абу торйӧдӧмаӧсь сьӧм кооперацияын уджавны йӧзӧс велӧдӧм вылӧ; ещӧ абу торйӧдӧмаӧсь сьӧм гӧль йӧзлы отсӧг сетӧм могысь.

Селибса потребобщество.

Колян воын вӧлі кулан выйын, таво этша ловзис да кок йылӧ сувтіс.

Ньӧбасьысьяс вылысь чукӧртӧма во гӧгӧрӧн уджйӧз 3.191 шайт да 53 ур.

Ассьыс уджйӧзъяссӧ вель ёна чинтӧма: 4.236 шайт дон мында.

Аслас капиталъясыс колян во вӧлі сӧмын 23,9%, таво содіс 41,3 %-ӧдз.

Удждӧм сьӧм колян во сійӧ киын вӧлі бергӧдчӧ 76,1%, таво сӧмын 58,7%, тӧдчӧ надзӧникӧн мездысьӧ уджйӧзъясысь. Дыр куйлан тӧвар таво кужӧма инавны. Дерт лои донсӧ чинтыштавны.

Вель ёна кооперативлысь уджсӧ дзугӧ Госторг аслас лавканас.

Вылибса потребобщество.

Важ уджйӧзъяссӧ ньӧбасьысьяс вылысь чукӧртӧма 40%.

Водзӧ кежлӧ уджӧн сеталӧм век на кыссьӧ. Содтӧд ас тӧвар дон вылӧ (наложенньӧ) ыджыд мукӧд кооперативъясын серти — 14,5%.

Вузасьӧ-ньӧбасьӧ, рӧскодъяс бергӧдӧ аслас сьӧмъясӧн — 83,4% мында. Обсоюзлы уджйӧза сӧмын 16,6%.

Тӧвар унджыксӧ ньӧбалӧма Обсоюзлысь — 91,3%.