ЮРБИТ, МУ ШАР, СӦВЕТСКӦЙ САЛДАТЛЫ!

Сӧстӧм вира ариецӧн шусис
		германскӧй фашист,
ставсӧ сотліс да бырӧдліс,
		паныд мый веськавліс сылы,
а вот Волгаысь водзӧджык
		воськовтны эз жӧ нин письт,
нӧйтӧм кӧинлӧн чегъясис
		пиньыс и нюжаліс кылыс.
Волга дорын и тышкасис
		вӧрӧгкӧд Комиысь пи,
а кор сьӧкыда ранитчис,
		вир сылӧн зэв уна петіс,
Украинаысь вок медсанбатын
		и нюжӧдіс ки,
ассьыс вирсӧ, дыр мӧвпавтӧг,
		Комиысь зонмыслы сетіс.
Ӧні висьталӧй веськыда,
		кодлӧн нӧ сӧстӧмджык вир:
выль ариецлӧн, гашкӧ,
		выль война кӧ пӧльтны сідз радлӧ?
Сылӧн сӧнъясас дявӧллӧн визувтӧ
		ад пӧртйысь сир...

Юрбит, Му шар, гӧрд кодзула
		миян сӧветскӧй салдатлы!