ШЫПАСКУДЗбыльысь зарни тыра куд вайис, мед оз ямлы, коми йӧзлы шыпаскуд Перымса Степанным. Сійӧ кадсянь квайтсё во колис ылӧ бӧрӧ, но эз тыртӧмджыкӧн ло, восьлаліс кор вӧрӧд. Коми войтырлӧн быд кыв важысь бура йитлӧ выльӧн чужӧм сьыланкыв, ловзьӧм важ молитва. Кужӧны быд ныв и зон корсьны шыпаскудйысь муслуныслысь пасъян дон, коді ӧтчыд чужлӧ. Мед оз сӧрны повзьӧм йӧз, коми кыв пӧ бырӧ... Енэжыд пыр лоас лӧз, кывтӧ он жӧ бырӧд. Ассьыным быд гаж и удж кужам гижны-панны. Миянкӧд пыр шыпаскуд Перымса Степанлӧн.
