ЧЕГӦМ ДЗОРИДЗ

Ме чайті, дзоридз вывті нэр,
Мед босьтны кӧдзыд киӧн сійӧс,
И коркӧ весиг кокни шер
Став видз выв мичлунсӧ тшӧтш виас.

Но вӧлі шер и курыд кыв,
И биа адыс ачыс уйис,
А миян взводын дзоридз-ныв
Став мудзлун миянкӧд жӧ юис.

Приказын шусис медсестра.
А миян ногӧн, прӧстӧ чойӧн,
Кӧть, збыльысь, авъя чойысь рам,
Но повтӧг уськӧдчыліс бойӧ.

Кор живгӧ пуля, сотӧ би
Да тэнӧ писькӧдлӧ лёк мина,
О, кыдзи виччысин сэк бинт
Да корсян отсӧг слабмӧм кинад!

Но ӧтчыд Харьков улын взвод
Эз вермы мыльк босьтны и водіс.
Кор вирысь кындзи нем оз сод,
Выль штурмӧ йӧзӧс лэптас коді?

Но кытчӧдз ловъя лоа, век
Пӧсь сьылӧм пытшкын видза чойӧс.
...Винтовка сійӧ босьтіс сэк
Да лэптіс миянӧс выль бойӧ.

Мыльк дугдіс койны свинеч шер.
И враглӧн биыс дзикӧдз ори.
Став му выв дзоридзьясысь нэр
Сэн куйліс миян чегӧм дзоридз.