ТШӦТШЪЯЯСЛЫ

Эз ӧти лун, эз ӧти вежон,
эз ӧти тӧлысь да и во
кузь туяд кӧдзалӧм нин енэж
мед тэныд эшкынӧн эз ло.

И парма шӧрад, и окопад,
кор киссьӧ лым и усьӧ зэр,
тэ кынмин, эз кӧ пӧся топӧд
ас морӧс бердас чужан эрд.

И вӧйны заводитлін витысь,
но, кыдзи аддзӧны, эн вӧй:
эн кыскы, юӧй, ассьыд питӧ,
ӧд абу жӧ на сэтшӧм йӧй!

Но, век жӧ, коркӧ воас помыд,
дзик некод сыысь оз тай мын,
и вермас муса керка помад
лӧнь рытӧ тэнӧ кольны вын.

Он норась аслад шудлун вылӧ, —
тэ медся шудаыс и эм,
кӧть эз ло вывті ёна гылыд
став тшӧтшъяяслы кызьӧд нэм.