ТУЛЫСЫСЬ ЮГЫД

Йи улӧ пырисны юяс,
Вӧрын и ва дорын чӧв.
Додь вожъяс бергӧдіс туйӧ
Войвывсянь уськӧдчӧм тӧв.
Абу мӧй сылы ми радӧсь,
Усьӧ кор кӧч гӧн кодь лым?
Тӧв пуксян татшӧм жӧ кадӧ
Кучкис «Аврорасянь» гым.
Ыркыд, а сьӧлӧмлы долыд,
Матӧ оз сибавлы ляб.
Му шарлы восьтіс выль олӧм
Тулысысь югыд Октябрь.
Пасьтала медмича паськӧм,
Кӧмала медшоныд кӧм.
Гӧрд рӧмысь мича да паськыд
Некор эз вӧвлы мӧд рӧм.