СЫКТЫВКАР

Рытъя кыалысь краскаяс чукӧртіс кар,
Ньӧжйӧ ӧвтыштіс кысянькӧ тӧв.
Гажа садъясыд тэнад, рӧднӧй Сыктывкар,
Бара воштісны ассьыныс чӧв.

	Припев:
	Мунам, муса друг,
	Тэкӧд ми сэтчӧ,
	Кӧні томлунӧн юралӧ парк.
	Шуда кадъясӧ
	Воссин тэ цвет моз
	Сыктыв берегын, войвывса кар!

Тувсов сынӧдыс ми весьтын югыд да сэзь,
Эзысь юыс тшӧтш микӧд оз узь.
Абу сиӧма некор нин тэныд ни мем
Коркӧ тӧдмавны шоглун да мудз.

	Припев:
	Мунам, муса друг,
	Тэкӧд ми сэтчӧ,
	Кӧні пуръяссӧ сывъялӧ ва.
	Яглӧн зарниӧн
	Бара тэ вӧччин,
	Коми войтырлӧн шуда, том кар!

Ӧзйӧ сьӧлӧмын кӧсйӧмӧн миян том вир,
Кыскӧ водзӧ пыр, водзӧ мечта.
Кыдзи дзирдалӧ рейд весьтын, видзӧдлам ми,
Мелі югӧрӧн алӧй звезда.

	Припев:
	Мунам, муса друг,
	Тэкӧд ми сэтчӧ,
	Кӧні удж чужтӧ морӧсын жар...
	Шуда кадъясӧ
	Воссин тэ цвет моз
	Аслад мичлунӧн, выль Сыктывкар!