СТРАШНӦЙ СУД ВОДЗВЫЛЫН

Хиросима, Нагасаки, Чернобыль —
Му шар вылын куим атомнӧй пеж мыль.

Адӧ пыран куим ӧткодь шуштӧм розь...
Найӧс вунӧдны бур войтырлы оз позь!

Весиг адас Ыджыдалысь Люцифер,
кодлӧн биа горшыс помся жер,

корсьны аслыс пемыд му пытшкын оз куж
войтыр серти ёна шуштӧмджык на удж.

Хиросима, Нагасаки, Чернобыль...
Гашкӧ, матысмӧ нин
			Страшнӧй Судыд, збыль?

Дугдылӧй, бур войтыр, нуны вен
ас костаныд,
			чуксалӧ бур Ен!