* * *

Менам му вывса олысь оз кувлы,
Сылы сиӧма нэмлысь бессмертье.
Коркӧ аддзылін кӧ пожӧм-пусӧ,
Коді кыпалӧ лӧнь эжва весьтын, —
Сэки эскан мен... Жугӧдас тӧвныр,
Бушков нетшыштас сылысь веж юрсӧ,
Ыджыд береглысь асъядор чӧвлун
Посни быдмӧглӧн гажӧдас шувгӧм.
Усьӧ морт чужан му вӧсна бойын,
Бӧръя ловшыыс вомдорас кынмас...
Ичӧт пи — ыджыд шуд вӧсна воин —
Кутас шусьыны усьӧмлӧн нимнас.