МЕДЫМ ЁНМИС ОТЧИЗНАНЫМ...

Медым ёнмис Отчизнаным
Лунысь лун пыр,
Медым уджӧн да радлунӧн
Вӧлі век тыр, —
Сетам кияслысь эбӧс
И сьӧлӧмлысь би,
Сылы ставсӧ, мый вермам,
Мый мӧвпалам ми.
Медым ёнджыка юргис
Станокъяслӧн шы,
Медым лэчыдджык вӧлі
Салдатъяслӧн штык, —
Сетам ставсӧ, ог жалитӧй
Нинӧм дзик ми,
Видзны олӧмлысь тулыс,
Став му вылын мир.
Медым ӧдйӧджык матыстны тан
Коммунизм,
Пуктам миян выль керкаӧ
Содтӧд выль из.
Сетам ставсӧ
Чудеснӧй Отчизналы, друг,
Медым петавтӧг оліс
Быд керкаын шуд!