КЫМӦРКӦД ОРЧЧӦН

М. Л. Иващенколы, Ухта карысь башеннӧй кранса машинистлы, ударниклы да поэтлы.

Сьӧлӧмсӧ сылысь оз бурмӧд
некутшӧм мӧд сикас дон,
башеннӧй кран йылӧ ур моз
бара оз кавшась кӧ зон.

Тӧлыс сэн ёнджыка сьылӧ,
шонділӧн югӧрыс яр,
дзик быттьӧ ки пыдӧс вылас
тыдалӧ кыпӧдчысь кар.

Выль керка лунвывлань банӧн
ӧзтас быд ӧшиньын би.
Кранвывса зонлӧн оз янав
олысьяс син водзын ки.

Та вӧсна кымӧркӧд орччӧн
сійӧ оз весьшӧрӧ сьыв
да, керка тэчигас, корсяв
кывбурлы мичаджык кыв.