КУНИБ ГӦРА

Эм мичлуныд ылын и матын,
Кӧть туй вывсьыд ылӧ он кеж.
Но Кунибса ворсан гӧратӧ
Он некутшӧм мич вылӧ веж.

Тан чужӧны медмуса кывъяс
Да сьӧлӧмтӧ бурмӧдан гаж.
Ӧд тӧдӧны зонъяс да нывъяс,
Мый муслуныд оз овлы важ.

Тэ ассьыд пӧсь лов шытӧ дзеблан
Кор мичлунсӧ аддзылас син.
Он куж аслад нэм помӧдз венны
Он кут корсьны мӧд татшӧмин.

И Перымса миян Степанным
Эз весьшӧрӧ Сыктывлань кат.
Да Куниб гӧраыслы паныд
Выль вичколы туй инды тат.

А Яренсклань восьлаліс подӧн
Куратовъяс рӧдысь Иван.
Зэв меліа комиӧн коді
И тан сьыліс тшӧтш «Шондібан».

Ми зэв ёна жалитам найӧс,
Ас чужан му коді оз тӧд.
А Кунибса гӧраыд раяд
Да му вылад абу жӧ мӧд.