* * *

Кӧть и дӧзмыштан, — эн, эн лёкав,
Воча нюмъёвт да пӧся окав,
Ставыс лоӧ, кыдз вӧлі, важ моз,
Бара серамӧн керка гажмас.
Мортыд, шуласны, абу ангел, —
Шогсьӧ,
	скӧралӧ,
		видчӧ,
			яндӧ...
Скӧрлун миянлы мыйла кутны,
Кодыр ставсӧ ми шӧри юклім?
Зэрис,
	чардаліс,
		лымйыс толіс,
Но и сэк ӧти думӧн олім!
Медым турунӧн тыри важӧн
Харьков горулын лӧнь блиндажыс,
Сьӧлӧм помнитӧ,
			сьӧлӧм тӧдӧ,
Кыдзи видзим ми ӧта-мӧдӧс.
Мед оз шуны, мый ӧні сёр нин
Вӧвлӧмтор йылысь панны сёрни.
Коді би пыр да
		ва пыр вуджис,
Сійӧ радейтны чӧла кужӧ...
Кӧть и дӧзмыштан, — он, он лёкав,
Воча нюмъёвт да пӧся окав.