КӦСЪЯ КӦДЗНЫ ДЗОРИДЗЬЯС

Ме кӧсъя кӧдзны дзоридзьяс
Быд му помӧ, быд садйӧ,
Мед быдӧнӧс сикт дорӧдзным
Пыр кыскис тувсов радлун.

Ме кӧсъя орччӧн мунысьлысь
Кузь туйын босьтны мудзсӧ,
Кӧть сы йылысь и вунӧдла,
Мый вынӧй оз нин судзсьы.

Ме кӧсъя юкны сьӧлӧмысь
Быд мортлы зэв пӧсь кывъяс,
Мед тӧдасны, мый вӧлӧма
Тшӧтш менам морӧс сывъяс.

Ме кӧсъя югыд кодзув моз
Сьӧд арся войӧ усьны
Да аслам муса коз улын,
Кӧн чужлі, сэн и кусны.