КОР МИ АДДЗЫСЬЛАМ ТЭКӦД

Кор ми аддзысьлам тэкӧд,
Менам куслытӧм кодзув,
Сэки югдывлӧ енэж,
Выль ног вӧччывлӧ сад.
Кор ми аддзысьлам тэкӧд,
Менам дзирдалан кодзув,
Пӧся тіпкӧ сэк сьӧлӧм
И радлӧ том кад.

	Припев:
	Зарниӧн ӧзйӧ
	Кыалӧн рӧм,
	Рытыс зэв шоныд да лӧнь.
	Сьӧлӧмӧй менам
	Виччысьӧ тэнӧ
	Сэтчӧ, кӧн шӧпкӧдчӧ льӧм.

Паськыд Эжва ю дорын
Миян гӧрддзасис муслун.
Долыд удж вылын сӧвмис,
Кыдзи видз выв цветок.
Сійӧ миянӧс корӧ
Асьсӧ сӧстӧма видзны,
Медым морӧсӧ некор
Эз пыравлы шог.

	Припев.

Югыд муслун — эм радлун,
Лэптӧ миянлысь сьӧлӧм,
И пыр нуӧдӧ водзӧ
Вӧчны мичаджык нэм.
Медым дзирдаліс сійӧ,
Кыдз отчизнаын олӧм,
И кыдз тувсовъя роза
Пыр дзордзалін тэ.

	Припев.