КОР БОСЬТАС ШОГКор босьтас тэнӧ курыд шог тэ сылы бурӧн эн жӧ сетчы. А корсьлы кутшӧмкӧ выль мог да Эжва дорад бара лэччыв. Сэн катшасинъяса веж видз став мичнас шылькнитас зэв ылӧдз, и ассьыс муслун эз кӧ видз, кыдз овлӧ, тэнад муса нылыд, Он кут нин казьтывны важ дой, а дзоридз пӧвстӧ юрнад пыран да челядьдырся югыд мойд тэ выльысь сэки бура кылан. И бара лоан важ кодь збой, а шогтӧ коді вӧчис, сійӧ тшӧтш тӧдны кутас, кутшӧм биӧн пыр сотӧ мортӧс узьтӧм вой.
