КОКНИ КЫМӦР КЫВТӦ

Кокни кымӧр небесаті кывтӧ,
чардӧн-гымӧн абу на зэв лӧг.
Вӧр ді сайсянь — сувтыштлӧмӧн кывзышт! —
тэнсьыд олан вояс лыддьӧ кӧк.

Вӧрын лӧнь, оз вӧрзьы весиг увтор,
шарскӧ сӧмын кокъяс улын нитш.
Дзоридз пыдди нетшышт ӧти пув кор,
сэсся мича кывбур сылы гиж.

Тувсов лунлысь он и казяв рӧмдӧм,
ойбыртны оз кӧсйы весиг ув.
Кыаыслы зарни дора рӧм тшӧтш
козьналісны мырпом да гӧрд пув.