ИСПАНИЯ ДІНЫНАслад му дінӧ радейтӧм Тӧдны кӧ кӧсъян, — Коркӧ ӧтчыд кӧть Сы дінысь ылӧджык мун, Медым юр весьтад Мӧд кодзув ӧзйылас-ӧзъяс Да оз миян кодь кыаӧн Кыпӧдчы лун. Скӧр Бискайскӧй залив шӧрын Увгӧны гыяс, Войлӧн пемыдыс гуын кодь Сьӧкыд да сьӧд. Гажтӧм синъяснад Мый ылі енэжысь кыян, Гашкӧ, думайтан, Ме тэнсьыд мӧвптӧ ог тӧд? Тайӧ дзирдыштліс Син пӧвнас тыдавтӧм бакан, Пиринейскӧй скалаяслысь Эрдӧдліс грӧз. Долорес Ибаррурилысь Гӧлӧссӧ татӧн Гусьӧн кывзӧны Шудлунсӧ аддзывтӧм йӧз. Тан йӧз синваысь пӧльтчӧны Сейфъяс да банкъяс; Коді озыр — кӧзяин, А гӧльджык кӧ — раб. Татчӧ вайӧ оз вӧля, А выль сикас танкъяс Океансайса флаг улын Локтысь корабль. Но и тані тшӧтш Миян кодь кодзулыс чужас, Тырмас быдӧнлы Мувывса радлун и шуд. Пиринейскӧй скалаяслӧн Вошлывтӧм вуджӧр Кыптысь шондісӧ вевттьыны Некор оз куж!
