ЗАРНИ ЧЫШЪЯНА АР

Зарни чышъяна ар
миян пармаӧ воис,
эз нин гожся кодь яр
муса шондіным лои.

Тури-дзодзӧгъяс тшӧтш
важӧн колисны позсӧ.
Кӧдзыд тӧлысьлӧн кӧш
войнас сывъясьӧ козкӧд.

Турипувйӧн быд нюр
оз нин яндзимла гӧрдӧд,
сылы долыд да бур,
кӧдзыд енэж кор бӧрдӧ.

Сӧмын миянлысь шог
бара сьӧлӧмъяс йирӧ.
Эм ӧд ыджыдджык мог
дзикӧдз кӧдзалӧм мирас.

Водзын локтӧ кузь тӧв,
корам, Господьӧй-Енмӧй,
гӧльмӧм йӧзӧс эн чӧвт,
отсав скӧр тӧвсӧ венны.

Медым челядьлысь дой,
муса мамъяслысь синва
весиг ичӧтик войт
тэнад сьӧлӧмӧдз инмас.