ЗАРНИ ЧЕРИ

Комирыбводса инспектор В. А. Савельев ёртъясыскӧд гусьӧн кыйис уна сьӧмга. Народнӧй суд пуксьӧдіс сійӧс кык во кежлӧ.
(Газетысь)

Зарни чери гуся тывйӧ
йӧрмис кор,
сылы шуис татшӧм кывъяс
браконьер:
— Тэнӧ бӧр ме лэдза юӧ,
кевмысь сэн.
Рыбинспектор ме... Эн вунӧд:
тэнад ен!..
Зарни чери вочавидзис:
— Сьыв да ов,
сӧмын выль мыжысь тэ видз-а
ассьыд лов!
Мӧдыс ёсьтыны, дерт, мӧдіс
ассьыс гыж,
кытчӧ да кор колӧ тӧдіс
лэдзны пыж.
Но дыр дзебны гуся тывтӧ
овлӧ сёр,
босьтіс шышӧс зумыд сывъяс
прокурор.
— Отсав меным, зарни чери,
венны шог,
коркӧ, — шуӧ, — бурӧс кера
воддза ног.
Зарни чери бӧжнас кучкис:
— Вот и ов...
Ӧні тэнӧ видзас лючки
Вылыс Чов!