ВЕСЬКЫД ТУЙ

Быдӧнлы ас кадӧ инасьӧм волӧ,
свет вылад дзик быдӧн ӧтчыдысь олӧ.
Дзимбыртӧ кадыд и медчорыд изтӧ,
морттӧ тшӧтш жалиттӧг куснявлӧ-излӧ.

Кок йылад сувтан да восьлавны петан,
ас кодьыд челядьлы вынйӧртӧ сетан.
Нелямын арӧслань сэсся кор кежан,
сы бӧрын тувсовъя зэрӧн он вежӧд.

Пӧрысьладорад кӧ паччӧрыд лоас,
медмусатор, коді шуд вылад волас.
Восьлавны веськыда некод эн полӧй,
морт ногӧн, вокъясӧй-чойясӧй, олӧй.