БӦРЪЯМ ВЕРХОВНӦЙ СӦВЕТБыд сьӧлӧм бур радлунӧн Бара нин тырис. Рӧдимӧй страна Тувсов сьыланкыв сьылӧ. Мед гораджык юралӧ Сьыланкыв, мед: Ми бӧрйыны кутам Верховнӧй Сӧвет! Быд карын, быд сиктын, Быд горнӧй аулын Водз садьмасны йӧз Тайӧ праздничнӧй лунӧ И сылы, код йитіс Народъяскӧд лов, Быд сьӧлӧмысь сетасны Помтӧм любовь, — Народ вӧсна тӧждысьӧ Мудзлытӧг коді, Мед шудлуныс Миян быд керкаын содіс, Код донъявны кужӧ И праздничнӧй гаж, И аддзӧ быд мортлысь Быд ичӧт нужда; Код вернӧй Отчизналы, Сідз жӧ, кыдз мамлы, Да партия делӧлы Сетӧ став сямлун, Код дорйӧ став олӧмнас Му вылын мир, — Достойнӧйлы сетам Став гӧлӧсъяс ми. Спасибо тэн, Партия, Щӧттӧм да лыдтӧм, Мый му вылӧ Выль поколение быдтін. Мед Партия олас, Мед олас народ И на костын некор дзик Торъявтӧм блок!
