БЕССМЕРТИЕ

Народлӧн воштӧмыс
Зэв сьӧкыд да зэв ыджыд.
Быд мортлысь сьӧлӧм дойдіс
Кадтӧг воӧм шог.
Он бергӧд бӧр...
Он бергӧд большевиклысь
Югыд олӧм.
	Но некор оз,
Оз кувлы сійӧ.
Коді йӧзкӧд юкис
И уджлысь радлун,
И суровӧй тышлысь кад;
Оз кувлы сійӧ,
Коді югыд коммунизмлы
Став вынъяс сетіс,
Сьӧлӧм и душа.

Ми юръяс копыртім...
Ӧд тайӧ скорбнӧй здукӧ
Великӧй Сталин
Ачыс лэптіс горт
Отважнӧй учениклысь
Да друглысь,
Бессмертье кодлысь
Казьтылӧ народ.

Но йӧзлӧн воляыс
Пыр сталь кодь зумыд кольӧ.
Клянитчам сійӧ паметьӧн ми
Тэныд, Вождь,
Пыр лоны сэтшӧмъясӧн,
Кутшӧмӧн пыр вӧлі
Любимец и соратник
Жданов ёрт!