БАРА МУНА ВӦР ДІ САЙӦГожся енэжлысь лӧз сатин кымӧр чир оз гӧр, менам киын вугыр шатин, мышку сайын — пӧрт. Бара муна вӧр ді сайӧ, кӧні тӧдса ты, кытчӧ тӧв руыс оз вайӧд карлысь ызган шы. Вунӧдла, мый лои пӧрысь, воддза серти ляб, виччысьтӧг кор лӧнь ты шӧрын ворсны кутас таб. Дӧбӧдлас да-й уна пӧрйӧ, — мыйлакӧ оз шед!.. Ачым ачымӧс ог пӧръяв нэм помад нин мед, — олӧм вуджигӧн эг вӧтлысь корсьны унджык шуд, сійӧн век сӧмын и пӧтлі, мый пыр сетліс удж. Вугыр шатинӧн ты дінад ог нин нуӧд вен... Олӧм воясысь пӧ чинтӧ кыйсян кадсӧ ен.
