БАБА ГОЖӦМ

Став нывбабаяслы, кодъяс жальпырысь казьтылӧны том кадсӧ.

Гожся рытӧ гудӧк ворсӧ,
кыла сылысь мелі горсӧ,
вашкӧдчӧ тшӧтш мекӧд ӧшинювса сад.
Талун ӧтчыдысь кӧть волас,
сьӧлӧм пытшкад нэмтӧ олас,
ылӧ кольӧм кад.

Гудӧкӧн кӧ ворсӧм ӧні кыла,
весиг шогӧй менам дзикӧдз сылас,
майбыр, сьӧлӧмшӧр,
майбыр, сьӧлӧмшӧр!
Баба гожӧм, висьтав меным кӧні,
кодлӧн ӧшинь улас муслун ветлӧ ӧні,
майбыр, сьӧлӧмшӧр,
майбыр, сьӧлӧмшӧр!

Керка ӧшинь гурйыв восьта,
мича чышъян киӧ босьта,
кодӧс чӧвтліс юрӧ гудӧкасьысь зон.
Татшӧм кыпыд, мича вӧтнад
некор сьӧлӧмӧй оз пӧтлы,
сэтшӧм сылӧн дон.

Челядь гажӧн ӧні ола,
аслам жӧ кыдз вуджӧр волас,
налӧн ылӧ кольӧм, ылӧ кывтӧм кад.
Гожся рытӧ гудӧк ворсӧ,
буди менӧ сійӧ корсьӧ,
аддзӧдчывны рад.

Гудӧкӧн кӧ ворсӧм ӧні кыла,
весиг шогӧй менам дзикӧдз сылас,
майбыр, сьӧлӧмшӧр,
майбыр, сьӧлӧмшӧр!
Баба гожӧм, висьтав меным, кӧні
кодлӧн ӧшинь увті ветлан ӧні,
майбыр, сьӧлӧмшӧр,
майбыр, сьӧлӧмшӧр!