АР

Зарни паськӧмӧн пасьтасис вӧр.
Мича тугъясӧн ӧшӧдчис пелысь.
Дзодзӧг мӧдӧдчис лунланьӧ, бӧр, —
Аддзан, нюжаліс енэжын кӧлысь.
Кыдзкӧ жаль меным прӧйдитӧм кад:
Мыйкӧ быттьӧкӧ ас пытшкысь воши...
Тӧда, шогсян и тэ, муса сад,
Ассьыд киястӧ му бердӧ ӧшин.
Аски чеччан и серӧктан друг:
Пужйыс шебралӧм бисерӧн мусӧ.
Шыльыд вылыса, кынмӧма ю
Лоӧ меным тшӧтш сьӧлӧмлы муса.
Вунӧ сэки и джыджъяслӧн звӧн,
Ичӧт сырчиклӧн паръялӧм-лэбӧм...
Котӧрт туй кузя, кияснад ӧвт,
Медым дзодзӧгъяс лэбӧны, медым.