А ОЗ КӦ ВОССЬЫ ПАРАШЮТ?

Женя пилы, коді 300-ысь чеччыштліс парашютӧн.

Енэжсяньыд муӧдзыд
вывті джуджыд йир.
Мый пыр тэнӧ нуӧ
кӧдзӧдлыны вир?
А оз кӧ нин воссьы
тэнад парашют?
Тэысь ог нин соссьы:
усигад ог кут...
Меным вочавидзан:
олам ӧти нэм...
Медым, сідзкӧ, видзас
татшӧм грекысь ен!
Енэжсяньыд ордым
бушков пыр оз ор,
варышъясӧс ордъяс
аслад тэрыб борд.
Висьтавны ме кывйӧн
та йылысь ог куж.
Сынӧдыдлӧн сывъяд,
аддза, тэнад шуд!
Медым бокӧ кежӧ,
коді кӧдзӧ лӧж:
батьясысь пӧ жебӧсь
ӧнія том йӧз...
Бушколыдлы паныд
лэбан, а он уй...
Некодӧс оз янӧд
татшӧм мича туй!