АВТОТРАССА

Лымйӧн вевттьыссьӧм веж яг
Вундӧ паськыд прӧсек,
Тані вотны пув да тшак
Арын ёна лӧсьыд.
Пуксян мыр вылӧ, — и вот
Кывзысьӧмӧн-кывзан,
Быттьӧ мойдса вӧрса орт
Кӧнкӧ ылын ымзӧ.
Нюръяс вомӧн келім ми
Видзӧдлыны тані,
Кыдзи рейсӧ сьӧкыд «ЗИС»
Мӧдӧдіс механик.
Став моторъяс шумӧн сэк
Юрӧбтісны расъяс.
Кыдзи водӧ, тӧда ме,
Вӧрын автотрасса.
Сылы вӧвлӧм ордым-туй
Вывті векни лои.
Таті вӧрсӧ вой и лун
Кыскӧ автопоезд!