***

Коми АССР, Сыктывдинский р-н, с. Часово, Леспродторг,

Пр. М. Размыслову.

Чолӧм, папа!

Веськыд киын неыджыд рана вӧсна гижа шуйга киӧн. Думайта, мый позьӧ гӧгӧрвоны. Ранитчи декабрь 16 лунӧ Дон ю веськыд берег вылын, кор заводитім вӧтлыны сэсь макаронникъясӧс. Дой абу сьӧкыд — лун 20 мысти, надейтча, бӧр сувтны стройӧ важ моз, дзик дзоньвидзаӧн. Ӧні куйла (шойчча) Тамбовын. Письмӧ менам ӧнія адрес вылӧ гижны ог рекомендуйт, оз удит воны: гашкӧ, и мӧд карӧ эвакуируйтасны талун-аски, кыдз кокньыда ранитчӧмӧс.

Пока ставыс.

Сиа тэныд олӧмын быдсяма бурсӧ выль воын. Чолӧм тӧдсаяслы!

Гортӧ письмӧ гижи жӧ.

Тэнӧ радейтысь пи Ананий.

Тамбов кар, 26.12.1942 во.

Адрес: 1855 полевая почта, часть 282.